ՀԱՅԱՍՏԱՆԻ ԿԱԶՄԱԿԵՐՊՈՒԹՅՈՒՆՆԵՐԸ ՁԵՐ ԲՋՋԱՅԻՆ ՀԵՌԱԽՈՍՈՒՄ
14/07/2009 at 16:09 2 comments
Ուզում եմ ձեզ պատմել մի նորության մասին, որ վերջերս է տեղի ունեցել մեր ընկերությունում: Ես աշխատում եմ «Սփյուռ» տեղեկատվական կենտրոնում, մարկետինգի գծով մասնագետ:
Այս տարի հունիսին մեր ընկերությունը Հայաստանում ներդրեց գործարար տեղեկատվության տարածման մի բոլորովին նոր գործիք:
Խոսքը բջջային հեռախոսների համար մշակված տվյալների շտեմարանի մասին է: Այն իրենից ներկայացնում է Java-ծրագիր, որ միանգամից տեղադրվում է բջջային հեռախոսում և աշխատում է առանց Ինտերնետի: Կոչվում է «Հայաստանի Դեղին Էջեր» բջջային հրատարակում (“Yellow Pages Armenia” mobile edition):
Չեմ ուզում ծանրաբեռնել ձեզ ծրագրի մանրամասն նկարագությամբ, ուղղակի նշեմ, որ բավական հարմար է, անընդհատ ձեռքիդ տակ են Հայաստանի և Լեռնային Ղարաբաղի 2700 կազմակերպությունների տվյալներ: Իսկ մնացածի մասին կարող եք կարդալ և բեռնել ծրագիրը http://www.spyur.am/htmfix/products/mobile_edition_a.htm հասցեից:
Սա առաջին տարբերակն է, պլանավորում ենք տեղեկագրքերի հրատարակմանը զուգահեռ, ամեն տեղեկագրքի հետ նոր բջջային տարբերակը նաև հրատարակել:
Այս տարբերակում ներկայացրել ենք ամեն կազմակերպությունից միայն մեկ հեռախոսի համար, բայց հետագայում կավելանան նաև նրանց գործունեության ոլորտները, միգուցե նաև հասցեները: Տեսնենք թե որ տվյալներն են առավել շատ պահանջված օգտագործողների կողմից:
Կարող եք նաև ձեր առաջարկությունները գրել, անպայման հաշվի կառնվեն:
Բջջային հրատարակման շնորհանդեսը (տես Spyur Mobile Presentation) տեղի ունեցավ այս տարվա հունիսի 20-ին «ԱՐՄԵՆԻԱ ՄԱՐԻՈԹ» (Armenia Marriott) հյունարոցում հունիսի 19-20 կայացած DigiTec Business 2009 ֆորումի ընթացքում: Առավել մանրամասն ֆորումի մասին կարդացեք այս հղումից http://www.digitec.am/digitecbusiness.php?id=40
Մենք այնտեղ ներկայացրինք «Հայաստանի կազմակերպությունները Ձեր բջջային հեռախոսում» սեմինարը, որի ընթացքում էլ մեր տնօրեն Աշոտ Գրիգորյանը ներկայացրեց բջջային ծրագիրը:
Վարչապետ Տիգրան Սարգսյանը «Սփյուռի» տաղավարի մոտՖորումի ընթացքում տեղի ունեցած «DigiTec Business» ցուցահանդեսի ժամանակ մենք մասնակիցներից մոտ 150-ի բջջային հեռախոսներում տեղադրեցինք ծրագիրը: Կային մոդելներ, որոնց վրա այն չաշխատեց, կամ հեռախոսը չճանաչեց ծրագրի ֆայլերը, այդ մոդելների անունները մենք գրեցինք, որպեսզի հետագա թողարկումներում այդ թերություններն էլ հաշվի առնենք: Եթե դուք էլ փորձել եք այն տեղադրել, ու չի ստացվել, կխնդրեի գրել ձեր հեռախոսի մոդելը, որպեսզի մենք ուղղենք այդ թերությունները:
Օգտվեք անպայման, շատ հարմար է, մանավանդ երբ ձեռքիդ տակ չկա ոչ համակարգիչ, ոչ էլ տեղեկագիրք:
Սպասում եմ արձագանքների ծրագրի աշխատանքի հետ կապված:
Բոլորիդ հաջողություն:
Entry filed under: ԳՈՐԾԱՐԱՐ ԱՇԽԱՐՀ. Tags: "Yellow Pages Armenia" mobile edition, «DigiTec Business» ցուցահանդես, «Հայաստանի կազմակերպությունները Ձեր բջջային հեռախոսում», «Հայաստանի Դեղին Էջեր» բջջային հրատարակում, «Սփյուռ» տեղեկատվական կենտրոն, «ԱՐՄԵՆԻԱ ՄԱՐԻՈԹ» (Armenia Marriott), DigiTec Business 2009 ֆորում, Վարչապետ Տիգրան Սարգսյան, բջջային հեռախոսներ, գործարար տեղեկատվություն, Աշոտ Գրիգորյան, տեղեկագիրք, տվյալների շտեմարան.
1.
Vahan | 21/07/2009 at 17:09
Lav er!. Shat lav es nerkayacrel!
2.
hmelkonyan | 21/07/2009 at 19:28
Շնորհակալ եմ գնահատականի համար Վահան ջան: Կաշխատեմ այսուհետ էլ ներկայացնել այնպիսի լուրեր գործարար աշխարհից, որ ուրիշ ոչ մի տեղ չեք կարողանա գտնել