Գ Ո Ր Ծ Ա Ր Ա Ր  Ա Ռ Ա Ջ Ա Ր Կ

Կազմակերպության գրանցում «Սփյուռ-ռեգիստրում»

«ՍՓՅՈՒՌԸ» Հայաստանում ամենախոշոր գործարար տեղեկատվական կենտրոնն է, որը, սկսած 1992 թ., կայունորեն իրականացնում է Հայաստանի եւ Լեռնային Ղարաբաղի կազմակերպությունների մասին տեղեկությունների հավաքում, մշակում եւ տարածում։

«ՍՓՅՈՒՌԻ» տեղեկատվական շտեմարանում ներկայացված է մոտ 8000 կազմակերպություն, որոնց մասին տեղեկությունները կարելի է ստանալ հետեւյալ տեղեկատվական միջոցներից.

519999 անվճար հեռախոսային տեղեկատուից, տեղեկագրքերից, www.spyur.am վեբ-կայքից, CD-հրատարակումներից, բջջային հրատարակումներից:

Նշված տեղեկատվական միջոցներում ներկայացված են այն կազմակերպությունները, որոնք գրանցված են «Սփյուռ-ռեգիստրում» («ՍՓՅՈՒՌԻ» հետ կնքել են տեղեկատվական պայմանագիր)։

«ՍՓՅՈՒՌԸ» առաջարկում է Ձեր կազմակերպությանը գրանցվել «Սփյուռ-ռեգիստրում», որպեսզի նաեւ Ձեր

կազմակերպության մասին տեղեկությունները հասանելի դառնան «ՍՓՅՈՒՌԻ» տեղեկատվական

միջոցներից բոլոր օգտվողներին (Հայաստանում եւ արտասահմանում)։

Կարդացեք առավել մանրամասն գործարար առաջարկում

B U S I N E S S  O F F E R

Company Registration with “Spyur-Register”

SPYUR is the largest business information center of Armenia that has been continuously collecting, processing and disseminating information about companies and organizations of Armenia and Nagorno-Karabakh since 1992.

SPYUR’s information database comprises about 8000 companies and organizations, information about which is provided through the following information means:

519999 free telephone inquiry service, directories, www.spyur.am website, CD editions, mobile editions

The above mentioned information means provide information on those companies and organizations that are registered with “Spyur-Register” (have signed an information contract with SPYUR).

SPYUR offers your company to be registered with “Spyur-Register” to make the information about your company available as well for all the users of SPYUR’s information means (in Armenia and abroad).

Read more in business offer

Д Е Л О В О Е  П Р Е Д Л О Ж Е Н И Е

Регистрация организации в “Спюр-регистре”

“СПЮР” является крупнейшим в Армении бизнес-информационным центром, который с 1992 года постоянно осуществляет сбор, обработку и распространение информации об организациях Армении и Нагорного Карабаха.

В информационной базе “СПЮРа” представлено около 8000 организаций, информацию о которых  можно получить через следующие информационные средства:

бесплатную телефонную справочную службу 519999, справочники, веб-сайт www.spyur.am, CD-издания, мобильные издания.

В указанных информационных средствах представлены те организации, которые зарегистрированы в “Спюр-регистре” (заключили договор со “СПЮРом” о предоставлении информационных услуг).

“СПЮР” предлагает Вашей организации зарегистрироваться в “Спюр-регистре”, чтобы

информация и о Вашей организации стала доступной для всех пользователей

информационных средств “СПЮРа” (в Армении и за рубежом).

Читайте более подробно в деловом предложении

Բարև հարգելի ուսումնատենչ ու բլոգամոլ հայ ինտերնետ-հասարակություն: Այսօր քրքրում էի համակարգչիս արխիվներն ու գտա իմ ուսանողական տարիների “Փիլիսոփայություն” առարկայի թեմաներից մեկը:

Սա իմ գրածը չէ, նախորոք զգուշացնում եմ, ուղղակի բավական հետաքրքիր նյութ է և համոզված եմ որ հայալեզու կայքերում չեք գտնի այն ուրիշ ոչ մի տեղ, ուստիև ցանկացա հրատարակել, միգուցե մի ուսանողի պետք կգա:

Զինվեք համբերությամբ, քանի որ բավական բարձ տեքստ է և սկսեց կարդալ:

Հաճելի ընթերցում ձեզ:

Տնտեսական ոլորտի կառուցվածքում սովորաբար առանձնացնում ենք նյութական արտադրությունը, որը երբեմն նույնացվում է հասարակական արտադրության հետ: Տնտեսական ոլորտը իբրև բազիս միավորում է հասարակության բոլոր մնացած ենթահամակարգերը մեկ ամբողջության մեջ: Սոցիալական փիլիսոփայության մեջ սկզբունքային նշանակություն է տրվում արտադրության տնտեսական եղանակի հասկացությունը: Հայտնի է, որ նրա պատմական բնույթից է կախված հասարակության տիպը, հասարակական ֆորմացիայի տիպը: Հասարակության տարբեր տիպերում առաջին պլան են դուրս գալիս արտադրության տարբեր կողմերը, օր. Կենդանի աշխատանքի տիրապետությունը ենթադրում է մինչինդուստրիալ … ագրարային քաղաքակրթությունը: Արտադրատնտեսական հարաբերությունների համակարգում հատուկ առանձնացնում են որպես արմատական, հանգուցային սեփականության հարաբերությունները արտադրության միջոցների նկատմամբ հատկապես նրանք են որոշում սոցիալ-տնտեսական համակարգի դեմքը նրա յուրահատուկ բնույթը: Սեփականության հարաբերությունները պայմանավորում են վերաբերմունքը աշխատանքի նկատմամբ աշխատանքային գործունեության շահադրդումները, մոտիվները: Արտադրողական ուժերը արտադրության միջոցների և մարդկանց համախմբությունն է, մարդիկ, որոնք օժտված են գիտելիքներով, արտադրական փորձով, աշխատանքի նկատմամբ հմտության և արտադրության միջոցները դնում են գործողության մեջ: Արտադրական ուժերի կառուցվածքում հսկայական դեր է կատարում տեխնիկան: Ժամանակակից ըմբռնմամբ տեխնիկա ասելով հասկանում ենք նյութական արտադրության պրոցեսները իրականացնելու համար մարդու կողմից ստեղծած միջոցները, ինչպես նաև ապահովելու, սպասաչկելու համար հասարակության հոգևոր, կենցաղային և մյուս ոչ արտադրական պրոցեսները, չմոռանանք տեխնիկայի կերտող և ոչնչացնող հզորության մասին, ինչը վերջին հաշվով ենթարկվում է մարդու բանականանությանը և կամքին: Հաջորդ քայլը կապվում է ավտոմատիզացիայի հետ, երբ մարդը հնարավորություն ստացավ ոչ միայն օգտագործել մեքենաների էներգիան, այլը կիրառել մեքենաների յուրահատուկ օրգանները, որոնք շատ բանով փոխարինում են մարդու ձեռքին: Տեխնոլոգիական հեղափոխության հետագա էտապը դարձավ ինֆորմատիզացիան, 20-րդ դարի կարևորագույն գիտատեխնիկական նվաճումն է հաշվվում կոմունիկացիաների նոր համակարգի ներդնումը` ինտերնետը: Տնտեսության փիլիսոփայության բազային հասկացությունների թվին են դասվում տնտեսություն, էկոնոմիկա, շուկա հասկացությունները: Ամենալավը, ծավալունը տնտեսություն կատեգորիան է, որը արտացոլում է հասարակության տնտեսական կեցության բարդությունը: Այս հասկացության բովանդակությունը իր մեջ ընդգրկում է մարդկային բնական և աստվածային պարամետրեր: Տնտեսության սեռային միջուկը հանդիսանում բնօգտագործումը, այսինքն` այստեղ ընդգծվում է տնտեսական և էկոլոգիական գործունեության խորը, փոխադարձ կապը: Էկոնոմիկա բազային կատեգորիան մեկնաբանվում է որպես մարդկային գործունեության կարևորագույն ձև, որը ընդգրկում է երկու տարբեր ասպեկտներ: Առաջին անգամ այդ տարբերության վրա մատնացույց է արել Արիստոտելը իր “Պոլիտիկա” աշխատության մեջ, նա տարբերում է էկոնամիկան որպես տնային տնտեսության վարում, որպես մի գործունեություն, որը ուղղված է հանապազօրյա պահանջմունքների բավարարմանը և որպես կյանքի գործունեության այնպիսի ոլորտ, որը բնութագրվում է տնտեսական քայլերի կատարմամբ շահույթ ստանալու հարստություն կուտակելու նպատակով: Կոմերցիոն գործունեության այդ տեսակը ստացավ խրեմատիստիկա անունը:

Ժամանակակից գիտության մեջ էկոնոմիկան սահմանվում է տարբեր տեսանկյուններից: Այն մեկնաբանվում է որպես տնտեսվարում, տնտեսության եղանակ, տնտեսական գործունեության մասնավոր դեպք: Շատ ժամանակակից տնտեսագետներ փորձում են ապացուցել, որ էկոնոմիկան իր խորքային իմաստով հանգում է փոխանակությանը, էկոնոմիկան հենց փոխանակությամբ էլ գոյություն ունի, ըստ որում փոխանակությունը հասկացվում է որպես հասարակական կյանքի ունիվերսալ, ֆենոմենալ գործողություն, որը կապված է փողի հետ: Ուրիշ տեսաբանների կարծիքով էկոնոմիկան որոշվում է աշխատանքի շահույթով: Երրորդ խումբ մասնագետներ էկոնոմիկայի բնույթը տեսնում են արժեքի սուբստանցիայի մեջ: Մեկ այլ դեպքում էկոնոմիկան սահմանվում է որպես տնտեսական կապերի, հարաբերությունների համակարգ, հատուկ կերպով կազմակերպված կառուցվածք: Տնտեսական ոլորտը իրենից ներկայացնում է դաստիարակություն, որի վրա իրականանում է հասարակության տնտեսական կյանքը, հոգևոր արժեքները նույնպես օժտված են տնտեսական արժեքով: Եվ նրանք հազվադեպ են հանդես գալիս, ապրանքի ձևով, ապրանքին հատուկ բոլոր հատկություններով: Չպետք է մոռանալ արտադրության զարգացումը, տնտեսության մեջ էական դեր է խաղում ըստ աշխատանքի քանակի և որակի բաշխման սկզբունքը, որը կիրառվում է վարձու աշխատանքի և կառուցողական հավասարության մոտեցումը, ընդհակառակը բացասական դեր է խաղում տնտեսության զարգացման առումով: Շահույթի ստացումը ձեռներեցների հիմնական շահադրդումն է, այն հիմնական մոտիվն է, որը ապահովում է շահագրգռվածություն և նպաստում արտադրության զարգացմանը: Անձնական և հատկապես արտադրական սպառումը նույպես խթանում է հասարակության արտադրության զարգացումը: Տնտեսական գործունեության ընթացքում մարդիկ փոխանակվում են գործունեությամբ, ապրանքներով և ծառայություններով, որոնց հիմքում ընկած է աշխատանքի հասարակական բաժանումը: Արտադրատեսակի և հասարակության փոխհարաբերությունը հանդես է գալիս որպես ամբողջի և մասի փոխհարաբերություն: Այդպսիսի որոշիչ դերի մասին եզրակացությունը հասարակության զարգացման մեջ բավականին հիմնավորված է: Սրա վրա մատնացույց է անում գերմանացի սոցիոլոգ Մաքս Վեբերը: Նա, խոսելով Մարքսի տնտեսագիտական տեսության մասին, նշում է, որ անհրաժեշտ է այդ տեսությունը մաքրել բազմաթիվ դոգմատիկ շերտերից, որոնք ավելի շատ գալիս են նրա հետևորդներից: Դրա հետ միասին հարկ է հաշվի առնել հասարակության զարգացման մեջ, այդ թվում նաև տնտեսության զարգացման տեսակետից քաղաքական, բարոյական, կրոնական գործոնները: Վերջիններիս դերը տնտեսության մեջ Վեբերը հատուկ քննության առարկա է դարձնում:
Մարքսի հայրենակից, ում անվանում են գերմանական տնտեսագիտական մտքի հիմնադիրը, Ֆրիսդրիխ Լիստը մատնացույց է անում այս կամ այն հասարակության տնտեսության զարգացման մեջ որոշիչ դերի վրա: Նա նշում է, որ հասարակությունը պետք է մտածի իր այդ ընդունակության մասին, արտադրել և զարգացնել այդ ընդունակությունը: Տնտեսական օրենքները նույնպես ներկայացնում են անհրաժեշտ էական և կրկնվող կապեր տնտեսական երևույթների միջև: Նրանք նույնպես գործում են օբյեկտիվորեն անկախ մարդկանց կամքից և գիտակցությունից: Եվ պարզապես է անհրաժեշտ է ողջ լրիվությամբ գիտակցել տնտեսական օրենքների գործողությունը և դրանց համապատասխան կառուցել տնտեսական գործունեությունը: Այդ գիտակցման դիապազոնը կարող է լինել բավականին լայն: Գիտական ըմբռնումից մինչև ձեռներեցների բնազդը, մինչև ինտուիցիայի մեջ արտացոլվելը հասարակության տնտեսական կյանքը քննելիս չպետք է մոռանալ օբյեկտիվ և սուբյեկտիվ գործոնների մասին, որոնք գտնվում են փոխազդեցության մեջ: Սուբյեկտիվ պահերը կարող են լինել այս կամ այն տնտեսական երևույթի սուբյեկտիվ ընկալումները և պատկերացումները դրանց մասին: Ինչպես գիտակցության մյուս ձևերի պարագայում, այնպես էլ տնտեսական գիտակցության դեպքում տնտեսական հոգեբանության և տնտեսական գաղափարախոսության , օր. Որոշ մտածողներ մեծ տեղ են տալիս հասարակության տնտեսական կյանքում հոգեբանական գործոնին: Այսպես գերմանացի տնտեսագետ Շմոլերը մատնացույց արեց մրցակցության բնազդի վրա, իսկ ամերիկյան տնտեսագետ Վեգլերը ուշադրություն է դարձնում վարպետության և ընչաքաղցության գործոնի վրա: Գերմանացի փիլիսոփա Զոմբարդը խոսում է տնտեսական ոգու մասին:
Տնտեսական գիտակցության ամենաբարձր մակարդակը հանդիսանում է տնտեսագիտությունը, ասում ենք տնտեսության փիլիսոփայություն, տնտեսվարման փիլիսոփայություն, ինչպես նշում է անգլիացի գիտնական Մակկորմակը` փոխաբերության հայտնի տեսության հեղինակը, լեզվաբանական միջոցը, որը թույլ է տալիս գտնել տերմինի նոր նշանակություն հասկանալու լուծումը հանդիսանում է փոխաբերությունը: Փոխաբերությունները ստեղծում են ակնառու պատկերներ, որոնք թույլ են տալիս որսալ հին տերմինի նոր իմաստը:
Քաղաքականության փիլիսոփայության կարևորագույն և առավել հնագույն պրոբլեմներից մեկը իշխանության պրոբլեմն է: Վեբերը նշում է, որ քաղաքականություն նշանակում է ձգտում մասնակցելու իշխանության մեջ կամ ազդեցություն ունենալ իշխանության բաժանման վրա կամ ազդեցություն ունենալ որոշումներ ընդունելու ժամանակ, քաղաքական իշխանությունը հասարակության քաղաքական կյանքի կարևորագույն տարրերից մեկն է, քաղաքականությունը իրացվում է քաղաքական հարաբերությունների, քաղաքական ինստիտուտների և քաղաքական գաղափարախոսության միջոցով, ցանկացած պետության հատկանիշներ են հանդես գալիս իշխանության ապարատը, տերիտորիան և հարկային համակարգը (Էնգելս): Մարքսը ուշադրություն է դարձնում ասիական, անտիկ, ֆեոդալական, կապիտալիստական … վրա: Նա գտնում է, որ այս արտադրաեղանակի պայմաններում բացակայում է մասնավոր սեփականությունը և այդ պայմաններում պետությունը ծագում է մինչը դասակարգերը որպես գյուղական համայնքերի օբյեկտիվ պահանջմունքների արդյունք լուծելու խոշորամասշտաբ տնտեսական պրոբլեմները մասնավորապես կապված ոռոգման ցանցի, ստրատեգիական ճանապարհների կառուցման և այլնի հետ: Այդ պայմանների արդյունքն էր տոտալիտար սիստեմի առաջացումը (տոտալիտարիզմը պետական կարգ է, որը հսկողություն է իրականացնում հասարակական կյանքի բոլոր ոլորտների նկատմամբ, այդ թվում տնտեսական, քաղաքական հոգևոր), իսկ քաղաքացիական հասարակություն գաղափարը գալիս է: Ցիցերոնը քաղաքացիական հասարակությունը ենթադրում է պետության, հասարակության և առանձին քաղաքացու շահերի, խնդիրների օպտիմալ զուգակցումը:
Գաղափարախոսություն ասելով` հասկանում ենք գաղափարների, գնահատականների, դատողությունների ամբողջություն, դրանց վրա կառուցվում է այս կամ այն առարկայի երևույթի սոցիալական իրավականության պրոցեսների համապատասխան ըմբռնում և վերաբերմունքը, որպես հոգևոր գործունեության ինքնուրույն ձև, գաղափարախոսություն կազմավորվեց երկու պրոցեսների սերտ կապի մեջ.
1. 17-18-րդ դարերում … Եվրոպական երկրներում հեղափոխական շարժումներ
2. գիտության զարգացում:
Գաղափարախոսություն տերմինը շրջանառության մեջ դրեց ֆրանսիացի տնտեսագետ, փիլիսոփա, քաղաքական գործիչ Դեստյուր Դերասին, ազդեցիկ մի կազմակերպության ստեղծող, որը կոչվում էր “ինստիտուտ”: Աշխատությունը կոչվում էր “Գաղափարախոսության տարրերը”: Այդ գրքում նա գաղափարախոսությունը սահմանեց որպես գիտության մարդկանց մտքերի մասին, որը զբաղվում է գաղափարների մշակմամբ, ձևավորմամբ և տարածմամբ, ըստ էության նրա ստեղծած ինստիտուտը առաջինն էր աշխարհում իբրև մի կազմակերպություն, որը հատուկ կերպով զբաղվեց նրանով, ինչը այսօր ընդունված է անվանել “ազդեցություն ունենալ հասարակական կարծիքի ձևովորման վրա”: Գաղափարախոսության յուրահատկությունը փիլիսոփայության հետ համեմատած ամենից առաջ կայանում է նրանում, որ այն առավելապես կենտրոնացած է սոցիալական իրականության իմաստավորման վրա: Մարդկանց որոշակի ընդհանրություններ շահերի ու պահանջմունքների հետ սերտ կապերի մեջ են: Գաղափարախոսությունը արտահայտում է նրանց վերաբերմունքը տվյալ իրականության նկատմամբ: Այդ ընդհանրության կողմից ընդունվող, բաժանվող իդեալների և արժեքների ձևավորման իմաստով:
Գաղափարախոսության տարբերիչ գիծն է կայանում նաև նրանում, որ գաղափարախոսությունը կողմնորոշում է առանձին մարդուն, մարդկանց ընդհանրությանը դեպի սոցիալ-պրակտիկ գործունեության կոնկրետ խնդիրների լուծումը, որոնցից կախված է տվյալ ընդհանրության շահերի, արժեքների, գաղափարների իրացումը: Կարելի է ասել գաղափարախոսությունը ոչ միայն ձևավորում է արժեքներ և գաղափարներ ոչ միայն կողմնորոշում է դեպի նրանց նվաճումը, այլև առաջարկում է ուղղություններ, որոնք տանում են այդ նպատակի իրականացմանը, նա սովորեցնում է` հանուն ինչի ապրել, ինչպես պետք է վարվել, գործել: Հաջորդ առանձնահատկությունը կայանում է նրանում, որ գաղափարախոսությունը դառնում է իրականության որոշակի ըմբռնումներ մշակման նպատակ, բայց այդ ըմբռնումը գիտական տեսության ձև չի ըմբռնում, գաղափարախոսությունը չի հանդիսանում գիտություն, ոչ իր կողմից օգտագործվող մտածողության հիմնավորման ձևերով ու մեթոդներով, ոչ էլ վերջնական արդյունքներով որքանով գաղափարների համախմբությունը, որից կազմված է գաղափարախոսությունը ստուգման չի ենթարկվում այն պրոցեդուրաներով, որոնք կիրառվում են բնական և հասարակական գիտություններում:

«...Հինավուրց ու նորոգ դու իմ հայոց լեզու, Դու ավելի փարթամ պիտի ծաղկես...» Համո Սահյան

Բարև աշխարհ:

Մեկ լավ նորություն էլ Հայաստանի կրթական աշխարհից: Ստեղծվել է հայերեն լեզվի ինքնուսույց ծրագիր:

Սա իսկապես ողջունելի երևույթ է մեր երկրում, քանի որ կան բազմաթիվ սփյուռքահայեր, որոնք կուզենան սովորել մայրենին, սակայն հնարավորություն չունեն դպրոց հաճախելու: Արդեն բավական երկար ժամանակ այն օգտագործվել, փորձարկվել է շատ մարդկանց կողմից: Ծրագրի օգնությամբ շատերն են արդեն սովորել գրել և կարդալ հայերեն: Լավն այն է, որ կարող են սովորել ոչ միայն հայերեն խոսակցական իմացողները, այլ նաև օտարերկրացիներ: Ինձ թվում է մեծ հնարավորություններ կան այն արտասահմանում լայնորեն տարածելու:

Ծրագրի հեղինակն է ընկերոջս՝ Դավիթ Իսկանդարյանի հայրը՝ Սամվել Իսկանդարյանը:

Երեկ Դավիթն ինձ ուղարկեց ծրագրի նկարագիրը 3 լեզվով, որը և սիրով ներկայացնում եմ ձեզ:

ՍԱՄՎԵԼ ԻՍԿԱՆԴԱՐՅԱՆ, ԳՐԻԳՈՐ ՎԱՀԱՆՅԱՆ

ՀԱՅՈՑ ԼԵԶՎԻ ԻՆՔՆՈՒՍՈՒՅՑ

Համակարգչի միջոցով լեզու սովորելու համար նախատեսված այս ինքնուսույցը հասցեագրված է ինչպես ճակատագրի բերմամբ մեր ազգային լեզվին անհաղորդ մնացած հայերին, այնպես էլ անգլերեն կամ ռուսերեն իմացող օտարերկրացիներին, ովքեր ցանկանում են անհամեմատ կարճ ժամանակամիջոցում միջին մակարդակով տիրապետել հայերենին:

Եռալեզու այս աշխատությունը (հայերեն, անգլերեն և ռուսերեն) էլեկտրոնային պատկերազարդ դասագիրք է` գրանցված լազերային սկավառակի վրա, որի հայերեն տեքստերը ձայնագրված են:

Ուսուցման մեթոդի հիմքում դրված է խաղը` որպես դարերով փորձված միջոց: Այստեղ կիրառվում է նաև լեզուների ուսուցման ռուսական և եվրոպական առաջավոր փորձը:

Ինքնուսույցն ունի հարուստ էլեկտրոնային գրադարան:

Նվազագույն տեխնիկական պահանջները` RAM- 64 MB, WINDOWS 98/2000/XP

SAMVEL ISKANDARYAN, GRIGOR VAHANYAN

ARMENIAN SELF-TAUGHT

This manual of self tuition through computer is meant for those Armenians who are destined to have lost touch with their national language, as well as for those native speakers of Russian and English who are eager to master to Armenian in a comparatively short time.

This is an illustrated electronic textbook in three languages (Armenian, Russian and English), on a laser disk, the Armenian texts of which are sound recorded.

The teaching is based on a play as a century old method. The achievements of teaching methods in Russian and Europe have been taken into consideration.

Self-taught contains electronic library.

Minimal technical requirements: RAM- 64 MB, WINDOWS 98/2000/XP

САМВЕЛ ИСКАНДАРЯН, ГРИГОР ВАГАНЯН

САМОУЧИТЕЛЬ АРМЯНСКОГО ЯЗЫКА

Настоящий самоучитель, предназначенный для изучения языка при помощи компьютера, адресован как армяням, которые по случаю судьбы остались непричастны к языку, а так же иностранцам, знающим английский или русский язык, которые хотят в течение короткого промежутка времени овладеть аримянским на среднем уровне.

Это трехязычное пособие (на армянском, английском и русском), является электронным иллюстрированным учебником, записанным на лазерном диске, армянские тексты которого озвучены.

В основе метода обучения игра – веками проверенное средство. Здесь использован также передовой опыт обучения русского и европейских языков.

Самоучитель содержит богатую электронную библиотеку.

Минимальные технические требования: RAM- 64 MB, WINDOWS 98/2000/XP

Ծրագրի ձեռք բերման հարցերով կարող եք գրել Դավիթ Իսկանդարյանին (diskandaryan@yahoo.com) :

Աջակցենք հայերեն լեզվի տարածմանն ու զարգացմանը միասին!!!

Ուզում եմ պատմել այսօր մեր գրասենյակում տեղի ունեցած վաճառքի մի անհաջոող փորձի մասին, որպեսզի դուք էլ տեսնեք այն սխալները, որոնք թույլ չտվեցին իսկապես լավ ծառայությանը գտնել իր գնորդին ու չկրկնեք այդ նույն սխալները:

Ժամը 16-ի կողմերն էր, գնացել էի մի հասարակական կազմակերպություն` գրանցման պայմանագիր կնքելու: Վերադարձա շատ հոգնած ու ջարդված շոգից ու երկար-բարակ հ/կ-ի նախագահին “Սփյուռի” ծառայությունների մասին պատմելուց հետո:

Երկու ներկայացուցիչ եկել էին մեր գրասենյակ և իրենց կազմակերպության մարկետինգային ծառայություններն էին առաջարկում մեզ: Նրանցից մեկը բավական հայտնի մի բազմաճյուղ գործունեություն ծավալող կազմակերպության մարկետինգի բաժնի ղեկավար էր, մյուսը` Հայաստանում գործող արտասահմանյան ԲՈՒՀ-երից մեկի մարկետինգի դասախոսներից: Կարճ ասած պաշտոններին նայելիս, մտածում էիր, թե երևի նրանց պես մասնագետ մարկետինգի ոլորտում Հայաստանում էլ չկա: Ժարգոնային ասած. “վերջն” էին: Համենայն դեպս առաջին տպավորությունն այդպիսին էր: Եվ բավական ինքնավստահ էին խոսում:

Ամեն ինչ սկսվել էր երեկ, երբ նրանք զանգել էին մեր կոմերցիոն տնօրենի` Կարեն Ջավահիրյանի հետ հանդիպման համար պայմանավորվելու: Ու հենց այդ ժամանակ էլ զգացվեց նրանց անփորձությունը վաճառքի բնագավառում: Խոսակցությունը գնացել էր մոտավորապես այսպես.

- Բարև Ձեզ Կարեն: Ես …. …յանն եմ, …. /ոչինչ չնշանակող տառերի մի համախմբություն/ կազմակերպության տնօրենն եմ: Ես կուզենայի ներկայացնել մեր կազմակերպության առաջարկը “Սփյուռին”:

ՍԽԱԼ համար 1: Երբեք մի սկսեք զրույցը միանգամից ձեր առաջարկից: Ուզում եք ձեզ մի գաղտնիք բացեմ. ձեր ապրանքը կամ ծառայությունը ոչ մեկին պետք չէ: Այո, այո ոչ մեկին: Եթե այն ինչ-որ մեկին պետք լիներ, ապա հաճախորդները իրենք կգային ձեզ մոտ, կզանգեին ձեզ ու հանդիպում կխնդրեին: Իսկ հիմա ձեր հաճախորդները զանգու՞մ են ձեզ: Իհարկե ոչ: Իսկ դա նշանակում է որ ձեր ապրանքը/ծառայությունը նրանց պետք չէ: Եվ երբ դուք զանգում եք նրանց ու առաջարկում ձեր ծառայությունները, ուրեմն իմացեք, որ նրանց առաջին և միակ պատասխանն է լինելու “Շնորհակալություն, դա մեզ պետք չէ”: Վերջ, կարող եք փակել ձեր ընկերությունն ու գնալ տուն: Դուք այլևս անելիք չունեք բիզնեսում:

Բայց դա դեռ ոչինչ, մեր կոմերցիոն տնօրենը չպատասխանեց այդպես, քանի որ նա բավական փորձված վաճառող է և չցանկացավ մերժել միգուցե և լավ առաջարկը զուտ այն ներկայացնողի անփորձության պատճառով: Եվ նա հարցրեց.

- Իսկ ի՞նչ առաջարկ է դա:

Պատասխանն էլ ավելի վատն էր, քան սկիզբը.

- Դե մենք մարկետինգի ոլորտի կազմակերպություն ենք, ուզում էի մեր ծառայություններն առաջարկել “Սփյուռին”: Մենք կատարում ենք ցանկացած տիպի աշխատանքներ մարկետինգի բնագավառում՝ սկսած հետազոտություններից, վերջացրած ընկերությունների մարկետինգային ստրատեգիաների մշակումով: Եթե դուք ունեք որևէ խնդիր այս ոլորտում, դուք կարող եք մեզ պատվիրել, մենք կկատարենք այդ աշխատանքները:

Մի հարցնող լինի, դուք գոնե տեղյակ եք, թե մեզ արդյո՞ք պետք են մարկետինգային ծառայություններ, թե ոչ: Առանց մի հատ հետաքրքրվելու թե մենք ինչպես ենք լուծում մեր մարկետինգային խնդիրները, նա միանգամից անցնում է ծառայությունների առաջարկին: Դե լավ, դա էլ ոչինչ, Կարենը հանդիպում նշանակեց ու նրանք եկան:

Հիմա մի քիչ բուն զրույցի մասին: Անձամբ ես ներկա չեմ եղել, ես վերջում հասա, երբ նրանք արդեն գնում էին: Բայց մեր կոմերցիոն տնօրենի պատմածով էլ ամեն ինչ պարզ էր: Նախ հենց սկզբից նրանց առաջարկի բուն իմաստն այն էր, որ իրենք կարող են հանձն առնել ցանկացած մարկետինգային խնդիր, որը մենք կառաջարկենք: Եվ ամբողջ խոսակցության թեման բերվում էր նրան, որ մենք մտածենք, թե ինչ խնդիր ունենք, հետո գրավոր ներկայացնենք իրենց և նրանք կմշակեն համապատասխան միջոցառումներ կամ խորհուրդ կտան, թե ինչպես դրանք լուծենք: Ընդ որում մինչև վերջ էլ նրանք ոչ մի գին այդպես էլ չասացին իրենց ծառայությունների համար` պատճառ բռնելով, որ դա խիստ փոփոխական է, կախված պատվիրված ծառայությունների քանակից և բարդությունից: Անգամ մոտավոր ոչ մի թիվ: Մեզ համար այդպես էլ գաղտնիք մնաց նրանց ծառայությունների գոնե մոտավոր արժեքը: Եթե չգիտես ինչ ես գնում և ինչ գնով, էլ ի՞նչ որոշում պիտի կայացնես: Ու այդքանից հետո էլ նրանք ուզում են, որ մենք դառնանք նրանց հաճախո՞րդը:

ՍԽԱԼ համար 2: Երբեք մի ստիպեք ձեր հաճախորդին մտածել, թե ձեր ապրանքը կամ ծառայությունը նրա ինչին է պետք, դուք ինքներդ ասեք դա նրան: Բացեմ ձեզ մի գաղտնիք էլ կապված հաճախորդների հետ ընդհանրապես. հաճախորդը աշխարհում ամենածույլ, ամենաալարկոտ ու մտածել չսիրող էակն է: Զարմանալի է չէ՞, բայց այդպես է: Չեմ կարող բացարձակ բոլորի մասին ասել, դա սխալ կլիներ, բայց հաճախորդների ճնշող մեծամասնությունը չի ուզում անգամ իր վրա ջանք գործադրել, մտածել, խնդիրներին լուծումներ գտնել: Նա ուզում է որ դա իր փոխարեն անեն:

Այդ պատճառով էլ, երբ վաճառքի բանակցությունների ժամանակ դուք փորձում եք հաճախորդին դնել մի այնպիսի իրավիճակի մեջ, երբ նա ինքն է պարտավոր մտածել ու լուծումներ գտնել, նա սկսում է դժգոհել, փնթփնթալ ու արդյունքում հրաժարվում է ձեր ապրանքից կամ ծառայությունից: Եթե դուք նման մոտեցում ցուցաբերեք ձեր հաճախորդների նկատմամբ 100-ից 99 դեպքերում ձեզ կմերժեն հաստատապես: Այնպես որ լավ մտածեք ինչ եք առաջարկում հաճախորդին և ինչ ձևով:

Իսկ հիմա, դիմացեք. ամենավերջինը հերթով, բայց ոչ իր կարևորությամբ:

ՍԽԱԼ համար 3: Ձեր պրեզենտացիան մի ներկայացրեք օտար լեզվով, եթե չկա դրա անհրաժեշտությունը: Նրանց առաջարկի հետ կապված բոլոր նյութերը, պրեզենտացիաներն ու առաջարկի նամակը, բոլորը ռուսերեն էին: Մի բացահայտ և շատ տարածված սխալ հայկական բիզնեսում:

Գալիս ես հայկական մի կազմակերպություն, խոսում ես հայերեն, գրում ես հայերեն: Բա էլ ինչի՞ ես բոլոր նյութերը ռուսերեն գրում: Ընդունում եմ, որ կան հաճախորդներ, որոնք ռուսերեն են ավելի լավ հասկանում, կարդում, և իրենց համար պետք է ունենալ գործարար առաջարկի ռուսերեն տարբերակ: Մենք, օրինակ, “Սփյուռում” մեր գործարար առաջարկի նամակը մշակել ենք և հայերեն, և ռուսերեն, և նույնիսկ անգլերեն լեզուներով: Բայց ախր որևէ կազմակերպություն այն ուղարկելուց կամ տանելուց առաջ հարցնում ենք, թե որ լեզվով է նրանց առավել համար մեր առաջարկը ներկայացնենք: Իսկ այդ երկու մարկետինգային մասնագետները առանց հարցնելու բոլոր նյութերը բերել էին ռուսերեն: Եվ ես կասկածում եմ որ իրենք ունեին իրենց առաջարկը հայերեն: Ես կարդացի նրանց թողած մի 30 թերթանոց պրեզենտացիան, որ սարքված էր Power Point-ով ու հետո տպված: Գիտեք, այնպիսի տպավորություն էր  ինձ մոտ, որ նրանք ուղղակի վերցրել էին Ինտերնետից մարկետինգի վերաբերյալ տարածված գրքերից մեկը, ծաղկաքաղ արել նրա բովանդակության բաժինն ու copy-paste արել: Ո՞վ պիտի կարդա 30 էջանոց, առանց բովանդակության պրեզենտացիան, այն էլ ռուսերեն: Ու՞մ է դա պետք:

Հարց է առաջանում, միթե՞ նման բարձր մակարդակի մասնագետները կարող են իրենց թույլ տալ նման կերպ պրեզենտացիա սարքել, և դեռ ուրիշներին էլ առաջարկել անցկացնել իրենց համար վաճառքի գծով թրենինգներ:

Բա: Այսպես էլ է պատահում հայկական բիզնեսում: Այնպես որ այնքան էլ մի վստահեք այցեքարտերի վրա նշված տիտղոսներին: Դրանք ոչինչ են, եթե դրանց տերը բանակցությունների ընթացքում կատարում է իմ կողմից այստեղ նշված սխալներից գոնե մեկը:

Դասեր քաղեք, որ ձեր գործում էլ չկրկնեք այս նույն սխալները:

Իսկ մեզ իսկապես պետք չէին նրանց ծառայությունները, ուղղակի պրոֆեսիոնալ սովորություն է դարձել հրավիրել մեզ մոտ ուրիշ ֆիրմաներից վաճառողներ ու լսել նրանց առաջարկները, նրանց վաճառքի հմտությունները ստուգել: Միգուցե մի նոր բան էլ մենք սովորենք նրանցից: Ո՞վ գիտի:

Միշտ էլ տեղ կա կատարելագործվելու:

Ինչն էլ հենց ցանկանում եմ ձեզ բոլորիդ:

Առ այժմ:

Հ.Գ. Բոլոր կերպարները և իրադարձությունները, բացի Կարեն Ջավահիրյանից և տողերի հեղինակից, մտածված են և ցանկացած համընկնում իրական որևէ դեպքի հետ զուտ պատահականություն է:

Ուզում եմ ձեզ պատմել մի նորության մասին, որ վերջերս է տեղի ունեցել մեր ընկերությունում: Ես աշխատում եմ «Սփյուռ» տեղեկատվական կենտրոնում, մարկետինգի գծով մասնագետ:

Այս տարի հունիսին մեր ընկերությունը Հայաստանում ներդրեց գործարար տեղեկատվության տարածման մի բոլորովին նոր գործիք:

Խոսքը բջջային հեռախոսների համար մշակված տվյալների շտեմարանի մասին է: Այն իրենից ներկայացնում է Java-ծրագիր, որ միանգամից տեղադրվում է բջջային հեռախոսում և աշխատում է առանց Ինտերնետի: Կոչվում է «Հայաստանի Դեղին Էջեր» բջջային հրատարակում (“Yellow Pages Armenia” mobile edition):

Չեմ ուզում ծանրաբեռնել ձեզ ծրագրի մանրամասն նկարագությամբ, ուղղակի նշեմ, որ բավական հարմար է, անընդհատ ձեռքիդ տակ են Հայաստանի և Լեռնային Ղարաբաղի 2700 կազմակերպությունների տվյալներ: Իսկ մնացածի մասին կարող եք կարդալ և բեռնել ծրագիրը  http://www.spyur.am/htmfix/products/mobile_edition_a.htm հասցեից:

Սա առաջին տարբերակն է, պլանավորում ենք տեղեկագրքերի հրատարակմանը զուգահեռ, ամեն տեղեկագրքի հետ նոր բջջային տարբերակը նաև հրատարակել:

Այս տարբերակում ներկայացրել ենք ամեն կազմակերպությունից միայն մեկ հեռախոսի համար, բայց հետագայում կավելանան նաև նրանց գործունեության ոլորտները, միգուցե նաև հասցեները: Տեսնենք թե որ տվյալներն են առավել շատ պահանջված օգտագործողների կողմից:

Կարող եք նաև ձեր առաջարկությունները գրել, անպայման հաշվի կառնվեն:

Բջջային հրատարակման շնորհանդեսը (տես Spyur Mobile Presentation) տեղի ունեցավ այս տարվա հունիսի 20-ին «ԱՐՄԵՆԻԱ ՄԱՐԻՈԹ» (Armenia Marriott) հյունարոցում հունիսի 19-20 կայացած DigiTec Business 2009 ֆորումի ընթացքում: Առավել մանրամասն ֆորումի մասին կարդացեք այս հղումից http://www.digitec.am/digitecbusiness.php?id=40

Մենք այնտեղ ներկայացրինք «Հայաստանի կազմակերպությունները  Ձեր բջջային հեռախոսում» սեմինարը, որի ընթացքում էլ մեր տնօրեն Աշոտ Գրիգորյանը ներկայացրեց բջջային ծրագիրը:

Ֆորումի ընթացքում տեղի ունեցած «DigiTec Business» ցուցահանդեսի ժամանակ մենք մասնակիցներից մոտ 150-ի բջջային հեռախոսներում տեղադրեցինք ծրագիրը: Կային մոդելներ, որոնց վրա այն չաշխատեց, կամ հեռախոսը չճանաչեց ծրագրի ֆայլերը, այդ մոդելների անունները մենք գրեցինք, որպեսզի հետագա թողարկումներում այդ թերություններն էլ հաշվի առնենք: Եթե դուք էլ փորձել եք այն տեղադրել, ու չի ստացվել, կխնդրեի գրել ձեր հեռախոսի մոդելը, որպեսզի մենք ուղղենք այդ թերությունները:

Օգտվեք անպայման, շատ հարմար է, մանավանդ երբ ձեռքիդ տակ չկա ոչ համակարգիչ, ոչ էլ տեղեկագիրք:

Սպասում եմ արձագանքների ծրագրի աշխատանքի հետ կապված:

Բոլորիդ հաջողություն:

Լավ նորություն ունեմ բոլորիդ հետ կիսվելու:

Լսել եք օնլայն ուսուցման մասին? Ամբողջ աշխարհում ընդունված ուսուցման լավագույն ձևերից մեկն է, իսկ Հայաստանում դեռ նոր-նոր է զարգանում: Ինչպես միշտ, մի փոքր հետ ենք մնում աշխարհից, չէ?

Լավ ինչևիցե, բայց արդեն Հայաստանում էլ կան մարդիկ, որ լրջորեն ուզում են զբաղվել դրանով ու շուտով, երևի արդեն հոկտեմբերից Հայաստանում էլ կգործի օնլայն ուսուցման պորտալ, ուր կլինեն դասընթացներ ամենատարբեր ոլորտներից:

Ինձ էլ են առաջարկել որևէ թեմայով դասընթաց մշակել և դասավանդել: Ես առաջարկեցի մարկետինգի և մասնավորապես վաճառքների գծով դասընթաց վարել, տեսնենք ինչպես կստացվի:

Օնլայն ուսուցման պորտալի լոգոն

Պորտալը գործելու է www.edas.am հասցեով: Հիմա ընթանում է դասախոսների հավաքագրման և դասընթացների մշակման փուլը: Կլինեն նաև դասընթացներ օտար լեզուների, հավանաբար նաև հաշվապահության, ֆոտոնկարահանման հիմունքների և այլ տարբեր թեմաներով:
Կազմակերպիչը իմ լավ ընկերներից մեկն է` Արթուր Խոյեցյանը: Կարող եք կապնվել նրա հետ  (098) 10 10 25 հեռախոսով, info@edas.am էլ. փոստով, կամ զանգեք Բնության Համաշխարհային Հիմնադրամի Հայաստանյան գրասենյակ և հարցրեք իրեն: Նա հիմնադրամի PR մենեջերն է: Հիմնադրամի տվյալները կարող եք գտնել www.spyur.am Հայաստանի խոշորագույն գործարար տեղեկատվական կայքից, որի link-ը կա իմ բլոգում: Միշտ պատրաստ ենք լսել ձեր առաջարկություններն ու նոր գաղափարները կապված թե պորտալի զարգացման և թե Հայաստանում օնլայն ուսուցման հիմնախնդիրների վերաբերյալ:

Բոլորիդ հաջողություն:

ԴԵՂԻՆ ԷՋԵՐ

պատմությունը

Արդեն 100 տարուց ավելի «Դեղին Էջերը» ամբողջ աշխարհում ամենատարածված տեղեկատու գրքերն են և տեղեկատվական արտադրանքի շուկայի առաջատարները:

Իսկ ինչպե՞ս է այն առաջացել:

«Դեղին Էջեր» տերմինը առաջացել է ԱՄՆ-ում և հենց սկզբից էլ իրենից ներկայացնում էր կազմակերպությունների և ձեռնարկությունների մասին տվյալների գիրք: Տեղեկատվությունը դասակարգված էր առաջին հերթին ըստ գործունեության ոլորտների: Անունը կապված է այն բանի հետ, որ 100 տարուց ավելի է նրանք ավանդաբար տպագրվում են դեղին թղթի վրա /սպիտակ թուղթը օգտագործվում է մասնավոր հեռախոսահամարների, իսկ կապույտը՝ պետական մարմինների համար/: Ինտերնետի ստեղծումից հետո այդ տերմինը սկսեց կիրառվել նաև նույն պրոֆիլի օնլայն տեղեկատուների ընդգծման համար:

1883-ին Վայոմինգ քաղաքում մի տպագրիչի մոտ վերջացել էր սպիտակ թուղթը և նա ստիպված էր տպագրել այդ քաղաքի հեռախոսային տեղեկագիրքը դեղին թղթի վրա: 3 տարի անց՝ 1886 թվականին Ռեյբեն Համիլտոն Դոննելին (Reuben Hamilton Donnely) Չիկագո քաղաքում հիմնադրեց «R. H. Donnely» հրատարակչական ընկերությունը, պայմանագիր կնքեց Չիկագոյի Հեռախոսային Ընկերության հետ՝ այդ ընկերության հաճախորդների համար հեռախոսային տեղեկագրքեր տպելու/հրատարակելու մասին և տնտեսման նպատակով տեղեկագրքերը սկսեց տպել էժան դեղին թղթի վրա՝ այդպիսով պաշտոնապես ստեղծելով «Դեղին Էջեր» տեղեկագիրքը:

Այսօր «Դեղին Էջերը» օգտագործվում է և անգլիախոս և ոչ անգլիախոս երկրներում: ԱՄՆ-ում այն նշանակում է ոլորտ /գործունեության/, կատեգորիա, մինչդեռ մի շարք երկրներում այն գրանցված է որպես հատուկ անուն:

«Դեղին Էջերը» իրենից ներկայացնում է տեղեկագիրք որոշակի աշխարհագրական տարածքի կազմակերպությունների վերաբերյալ, որում տեղեկատվությունը ներկայացված է ըստ այդ կազմակերպությունների գործունեության ոլորտների:

Այսքանը ճարել եմ Ինտերնետից ու թարգմանել հայերեն: Բոլոր կարդացողներին, եթե ունեք որևէ ինֆորմացիա Դեղին Էջերի պատմության մասին, կամ գիտեք մի տեղ, ուր կարելի է այն գտնել բացի Վիկիպեդիա-ից, խնդրում եմ գրեք:

Ինձ դա պետք է գովազդային նյութեր պատրաստելու համար:

Հղումներ (Links).
http://www.yellowpageblues.com/history.html A short history of the yellow pages
http://www.ypg.com/page.php/en/1/4.html Yellow Pages Group
http://library.thinkquest.org/TQ0310441/odds/odds_main.html ThinkQuest Competition official web site
http://www.rhd.com R.H. Donnelley offical web site

Առաջին անգամ բացում եմ իմ բլոգը:

Կզրուցենք կյանքից, առօրյայից, աշխատանքից: